شركة IT للشركات في القاهرة
شركة IT للشركات في القاهرة — قسم IT كامل لشركتك من غير ما تعيّن موظف
CNS بتشتغل كقسم IT خارجي للشركات والمكاتب في القاهرة من 2011: دعم فني عن بُعد طول الشهر، مهندس بيزورك في مواعيد ثابتة، متابعة للأجهزة والشبكة، وتقرير شهري بكل اللي اتعمل.
- دعم فني عن بُعد طول الشهر — رقم واحد تكلمه
- زيارات مهندس في الموقع حسب الباقة
- بورتال تفتح منه تذكرة وتتابعها لحد ما تتحل
- تقرير شهري واضح للإدارة
باقات شهرية تبدأ من 3,500 جنيه
لو شركتك من غير قسم IT، أكيد قابلت ده
كل مرة بتدوّر على فني
الجهاز يقف أو النت يقطع، وتفضل تتصل بحد "يفهم في الكمبيوتر" ومحدش عارف السيستم متركب إزاي.
موظف IT واحد مش كفاية
مرتب وتأمينات، ولما ياخد إجازة أو يسيب الشغل كل حاجة بتقف.
مفيش باك أب ولا حماية
ملفات الشركة على أجهزة الموظفين، ولو جهاز باظ أو جالكم فيروس الداتا بتروح.
مش عارف الفلوس بتروح فين
تصليحات متفرقة وفواتير من غير ما تعرف إيه اللي اتعمل ولا الحالة إيه.
إيه اللي CNS بتعمله لشركتك كل شهر
دعم فني يومي
أجهزة، طابعات، إيميلات، برامج — تكلمنا أو تفتح تذكرة ونحلها عن بُعد.
زيارات مهندس
مهندس بيزور شركتك في مواعيد ثابتة يراجع الأجهزة والشبكة ويحل اللي محتاج إيد.
شبكة وإنترنت مستقرين
راوتر وسويتشات وواي فاي متظبطين، وشبكة الضيوف منفصلة عن شبكة الشغل.
Microsoft 365 والإيميل
إيميلات الشركة، الحسابات، الصلاحيات، ونقل الإيميل من أي مكان.
باك أب وأمان
باك أب منتظم وحماية للأجهزة والفايروول (إضافات حسب احتياجك).
تقرير شهري
كل اللي اتعمل في الشهر، وحالة أجهزتك، واللي محتاج يتعمل.
عملاؤنا
شركات بتعتمد على CNS في الـIT بتاعها
من شركات تجارية ومصانع لمنظمات دولية — ده كلامهم عن الشغل معانا.
CNS Egypt شريك IT نعتمد عليه؛ بيقدموا دعم فني احترافي وحلول عملية بتساعدنا نحافظ على سير الشغل من غير تعطيل. سرعة استجابتهم وخبرتهم التقنية والتزامهم بجودة الخدمة بيخلّوهم شريك مهم لشركتنا.
الشغل مع CNS Egypt ساعدنا ندير الـIT بكفاءة أكبر ونحل المشاكل التقنية بثقة. فريقهم محترف، والدعم اللي بيقدموه نقدر نعتمد عليه، والحلول عملية ومناسبة لطبيعة شغلنا.
CNS Egypt بتقدم دعم IT احترافي مركّز على الاعتمادية وسرعة الاستجابة واستمرارية الشغل. أسلوبهم الاستباقي وقدراتهم التقنية خلّوا إدارة الـIT أسهل، وخلّوا فريقنا يركز على شغله الأساسي.
صفحات ممكن تفيدك
أسئلة متكررة
الخدمة بكام في الشهر؟
الباقات بتبدأ من 3,500 جنيه في الشهر للدعم عن بُعد، و5,000 جنيه بزيارة مهندس في الشهر، ولحد 12,000 جنيه بـ 6 زيارات. السعر النهائي بيتأكد بعد تقييم مجاني لشركتك.
بتخدموا أنهي مناطق في القاهرة؟
مدينة نصر، مصر الجديدة، التجمع والقاهرة الجديدة، المعادي، العاصمة الإدارية، العبور والشروق. والفروع في محافظات تانية بالاتفاق.
إيه الفرق بينكم وبين موظف IT؟
موظف IT واحد بيغطي مهارة واحدة وبيغيب في الإجازات، إنما مع CNS عندك فريق (دعم، شبكات، أمان، Microsoft 365) بعقد شهري ثابت، من غير تعيين أو تأمينات.
عندنا موظف IT، ينفع تشتغلوا معاه؟
أيوه، كتير من عملائنا بيستخدمونا كدعم واحتياطي للموظف بتاعهم، خصوصًا في المشاكل الكبيرة والإجازات.
الخدمة للأفراد؟
لأ، CNS بتشتغل مع الشركات والمكاتب والعيادات والمصانع بس.
خلّي الـIT بتاع شركتك على CNS
سيب بياناتك ونكلمك، أو احسب التكلفة التقريبية بنفسك في دقيقة.