دليل أصحاب الشركات
إزاي تختار شركة IT لشركتك في القاهرة؟
لو شركتك معندهاش قسم IT، قدامك 3 اختيارات: تعيّن موظف IT، أو تعتمد على فني أو فريلانسر وقت المشكلة، أو تتعاقد مع شركة IT مُدارة تبقى قسم الـ IT بتاعك. الدليل ده بيقارن بينهم بصراحة، وبيقولك تسأل أي شركة IT إيه قبل ما تمضي.
مقارنة سريعة: موظف IT، فريلانسر، ولا شركة IT مُدارة؟
| موظف IT داخلي | فني / فريلانسر عند الطلب | شركة IT مُدارة (زي CNS) | |
|---|---|---|---|
| التكلفة الشهرية | مرتب + تأمينات + إجازات + تدريب | رخيص في الشهر الهادي، وغالي ومش متوقع وقت الأزمات | مبلغ شهري ثابت ومكتوب في العقد |
| لو حد غاب أو مشي | الشغل بيقف والمعلومات بتمشي معاه | ممكن ميردش أو ميبقاش فاضي | فريق كامل، ومفيش اعتماد على شخص واحد |
| تنوّع الخبرة | شخص واحد بخبرة واحدة غالبًا | حسب الشخص | شبكات، سيرفرات، أمن، Microsoft 365، دعم |
| التوثيق والتقارير | حسب الموظف | نادرًا | تذاكر متسجلة + تقرير شهري بكل اللي اتعمل |
| الوقاية قبل العطل | لو عنده وقت | بيجي بعد ما الحاجة تقع | متابعة الأجهزة والشبكة وزيارات دورية |
| مين المسؤول؟ | موظف عندك | مفيش مسؤولية واضحة | شركة مسؤولة بعقد |
إمتى كل اختيار يبقى هو الصح؟
موظف IT داخلي
لو شركتك كبيرة ومحتاجة حد موجود طول اليوم كل يوم. وحتى ساعتها، شركة IT مُدارة ممكن تبقى دعم ليه (backup) في الإجازات والمشاكل الكبيرة.
فني أو فريلانسر
لو عندك كام جهاز بس ومشاكلك نادرة جدًا، ومش فارق معاك التوثيق أو المتابعة.
شركة IT مُدارة
لو عندك موظفين بيعتمدوا على الأجهزة والنت والإيميل كل يوم، وعايز تكلفة ثابتة وحد مسؤول، من غير ما تعيّن وتدرّب وتتابع موظف.
10 أسئلة اسألها لأي شركة IT قبل ما تمضي
- إيه اللي داخل في السعر الشهري بالظبط، وإيه اللي بيتحسب لوحده؟
- الدعم عن بُعد متاح إمتى؟ وعدد الزيارات في الشهر كام، ومدة الزيارة قد إيه؟
- أفتح طلب الدعم إزاي؟ فيه سيستم تذاكر أقدر أتابع منه؟
- هيوصلني تقرير شهري بكل اللي اتعمل؟
- مين بيعرف باسوردات وحسابات شركتي، وهتتسلملي لو سبنا بعض؟
- بتغطوا منطقتي في القاهرة؟ وعندي فرع تاني، تقدروا تدعموه؟
- فيه تقييم لاحتياجاتي قبل ما أمضي؟ ومجاني ولا بفلوس؟
- مدة العقد قد إيه؟ وإيه شروط الإلغاء؟
- الأمن والباك أب: داخلين ولا إضافة؟
- تقدروا تدّوني عملاء حاليين أتكلم معاهم؟
إجابات CNS على الأسئلة دي
باقات شهرية واضحة (تقريبي، والعرض النهائي بعد التقييم):
- Remote3,500 جنيه / شهر
- Essential5,000 جنيه / شهر
- Standard6,000 جنيه / شهر
- Business8,000 جنيه / شهر
- Plus12,000 جنيه / شهر
- دعم عن بُعد 8 ساعات، 5 أيام في الأسبوع، وزيارات حسب الباقة (لحد 4 ساعات للزيارة).
- بورتال تفتح منه تذكرة وتتابعها لحد ما تتحل، وتقرير شهري.
- كل الأجهزة والحسابات متسجلة وموثقة عندك، مش في دماغ شخص واحد.
- بنغطي القاهرة: مدينة نصر، مصر الجديدة، التجمع، المعادي، العاصمة الإدارية، العبور والشروق، ونقدر ندعم فروع في محافظات تانية بالاتفاق.
- أول تقييم لاحتياجات شركتك مجاني.
- الأمن السيبراني والباك أب إضافات اختيارية بسعر منفصل.
أسئلة متكررة
إيه الفرق بين شركة IT مُدارة وفني صيانة؟
الفني بييجي يحل مشكلة وقت ما تحصل. الشركة المُدارة مسؤولة عن الـ IT بتاعك طول الشهر بعقد: دعم عن بُعد، وزيارات دورية، ومتابعة، وتوثيق، وتقرير شهري.
تكلفة شركة IT للشركات الصغيرة في القاهرة قد إيه؟
في CNS الباقات بتبدأ من 3,500 جنيه في الشهر للدعم عن بُعد، و5,000 جنيه بزيارة في الموقع كل شهر، والسعر النهائي بيتحدد بعد تقييم مجاني.
عندي موظف IT، أحتاج شركة IT برضه؟
ممكن. شركات كتير بتستخدم CNS كدعم للموظف: في الإجازات، وفي المشاكل الكبيرة زي الشبكات والسيرفرات والأمن.
بتشتغلوا مع أفراد أو بيوت؟
لأ، CNS بتشتغل مع الشركات بس.